#1 (**permalink**) 06-27-2008

السلام ياأروع عضوات وأرحب أعضاء..

شو اخباركم إن شالله بخير وعم تهيصو وترئصو>>أمسويه لبنانيه غصب

انا اليوم حبيت اسدح لكم سالفتي التووحفهـ .. ماخليت احد الا وقلتها له

مع انها تفشل بس يالله بقولها لكم.. وهالله هالله بالردود السنعهـ

فتاه نوايها مهيب سهله..< ان كيدهن لعظيم

تحب الاستهبال والمهاوش يعني بنت رجهـ ..

رورو:أخوها الكبير

ولد مهستر بمعنى الكلمه يحب الرقص والاستهبال والعباطه لو احطه

بهالقسم كب عفشه وعفشي وعفش جدي ..

يعني حبوبه & رورو..

لوشفتهم بالسوق ماتقول ذا اخوها تقول حرمته الخبله ..< مرجج لابعد الحدود>

وشنوووووووووو بعد . ايه تذكرت صح..

احبه ويحبني يابعد تسبدي يارورو..< احلففففففففففففففففففففففففففففي

ونبدأ بالسالفه اللي كل ماتذكرتها اضحك واصيح..

الساعه: 10 ليلا..

يوم :الجمعه

التاريخ :مدري نسيت

ذاك اليوم كنت متسدحه بالصاله واقلب بين هالقنوات الا جاي عندي اخوي رورو

وفاق خشته وقال: شرايك ندج سوياً ؟؟

طالعت فيه وانا مالي خلق وقلت :معك فلوس انت وخشتك

رد علي وقال: يابنت الناس نتمشى ونجي مهوب لازم فلوس..< يقاله اقنعني

قلت : مير انا معطيتك وجه بزياده يالله رح تلايط عند خوياك.!!! انا موفاضيتن لك

ودخلت غرفتي وقعدت احوس باغراضي.. الا وطاحت عيني عالبوك..

وتجيكم جذووووووبه وتفتح بوكها ............>وتلقى 200 ريال ..

طارت عيووووووني ..من وووووووين جت.. وشلوووووووون جت..

اصلا... مصروفي نهاية الشهر يالله يبقى شي للشحن

وبعد تفكير عميق......> لقيت نفسي ناطتن عند اخوي..

قلت يالله يالله رح حرك السياره.. وجايتك بعباتي

رورو: شك ان اخته مصخنه وفيها حراره .. وش السالفه علميني

قلت معي 200 لابوك لابومن يقعد بهالبيت بهاللحضه .. يالله مشينا

ماشفت الاغبرته وراه ...وانا لبست العباة واتمخطر عالدرج<< وتمخطري ياحلوه يازينه>>

كنت بتزحلق واطيح بالصاله بس زين ماتهورت ونزلت للحوش الا واخوي بسيارته

بييييييييب بيييييييييييب بييييييييييييب....< يطق طق هرنات...

واركب السياره وامسك شنطتي بكل رومنسيه..

كنا بنروح للمطعم بس ززززززين ماتهورنا...<

ورحنا لكارفور الفرع اللي قريب عندنا..

واخذت لي عربانه واخذ كل الشوكلاتات والحلويات واخوي كذلك نفس الحاله

.. ووصلنا للمحاسب ..!!

واحط الاغراض والحساب 124 ريال..

مديت يدي ومن قدي ..واقول: لو سمحت مامعي صرف ميتين ريال.< بنت ابوها كاشخه

طالع فيني وقال باقي تدفعين 104 ريال..

طيرت عيوني وقلت : شنو حول انت انا معطيتك 200 ريال فتح عويناتك

ضـــــــــــــــــــحك وقال :يااختي هذي 20 ريال ورقه مـهوب 200 ريال

رورو: حط رجله بعد ماقال السياره يالله السياره..

انا دوررررررروووووووووووووووني ماتلقوووووووووووووووووووني

من الفشيله وجهي الوان صار..احمر اخضر اصفر كوكتيل

ومن الفلاحه ابي ارقعها ..قلت : يووووه نسيت فلوسي بالبيت

واطلع من كارفور معصببه لاحد يكلمني ولايمر جنبي

والقى ذاك الورع اللي مع امه واصقعه بالشنطه وانا ماشيه..<حولا صدز حولا

واركب السياره..وطررررررررراخ سكرت الباب

الا رورو يقول: لعنتن تلعن هالخشه الحووووولا .

.مير البلا مهوب منك من هالعيون الرحول اللي على غير سنع..<يعني عيون بعير>

انتي حولا والا تستهبلين.. فشلتينا الله يفشلك..

وانا: ساكته واقول بنفسي ياليتني منسدحه بالصاله لابوك لابو من يطلع

وفوق الهواش قعد يضحك الغبي رورو....<< يتميلح

وقف عند المحطه وقال هاتي العشرين بعبي بانزين..

وعطيته وانا في غمرة جرااااااااااحي اعاني..< طايح ووجها

ورماني عند الباب وفحط قدامي وميت من الضحك..< كفو والله ونعم الاخ

ودخلت البيت وكان ودي افجر بالبيت بس ماتهورت.وخلصت الحتوته اااخ بس

اللي يشوف بعيون حولا شو بنئلو.... شاطر شاطر.

.

وكرهت من بعد هالسالفه200 ريال 20 ريال

فيه فرق بالالوان صح...وربي حوووووووووولا منب صاحيه

يالله اشوف تعليقاتكم وردودكم

شبكة عطر الغرام
المنتديات	مركز الالعاب	المكتبة الاسلامي	مركز البطاقات	رسائل الوسائط المتعدده mms
المجلة	اختبار الدخول الجامعي	دليل المواقع	مركز تحميل الملفات	الاسرة المسلمة
ارسم صورة	تحويل صورة الى رسمة	قاطع الدنمارك	رسائل الجوال	الموسوعة العلمية

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

يتصفح الموضوع حالياً : 1 (0 عضو و 1 ضيف)

الإهداءات
مشـــــعل : ๑ إن أجمل شيء في الوجود هي الإبتســــامة إضافة إهداء