صبحكم الله بالخير

اخواني من ادارة ومراقبين ومشرفين واعضا وزوار . اقدم لكم قصيدة من قصايدي التي افتخر بها كثيرا وقد كثر التحريف بها ولدي الرابط الرسمي لهذه القصيدة أتمنى أن تنال أعجابكم

[align=center]

يابنت كان العيـب فينـي سعـودي=يالله تزيـد العيـب هـذا ملايـيـن

أحب عيبي وأفتخـر بـه بـزودي=وأبا انشره يابنت بأكبـر عناويـن

حنـا رجـالٍ كلبـونـا أســودي=أدنى ولد فينـا يـروض سلاطيـن

وإن كان قمنا طار نـوم الرقـودي=ماعاد نرجع لين ننصر هـل الديـن

حنا هل التوحيـد وأهـل الحـدودي=من ذمنا يابنـت حاسـد ومسكيـن

مانلتفت صوب الضعيف الحقـودي=ندوس رأسه داخل التبـن والطيـن

حنا لابـو متعـب دروعٍ جنـودي=عبدالله إللي لطمتـه تفقـع العيـن

لاقام جـاه مـن القبايـل وفـودي=كلاً يقول أبشـر وحـدد لنـا ويـن

وحنا البقوم أهل الوفا والصمـودي=لاجاء نهارٍ فيه وجه الدهـر شيـن

وإن كان جاء في الجو غيم ورعودي=حنا هـل الطـولات للجـار حاميـن

والجار لو يخطي نزيـد الصـدودي=نعطيـه حقـه. بالمواثيـق وافيـن

ولا العدو. يخسى العـدو اللـدودي=في عينهم حنـا سـواة السكاكيـن

مـن دون مكـة والمدينـة نـذودي=ترخص علينا الروح .للموت ماشين

من جـود ربـي كلبونـا نجـودي=محتاجنـا كأنـه ويملـك بلايـيـن

هذا السعودي وارث من الجـدودي=من دون دينـه يرفـع أم النياشيـن

يشهد لنـا التاريـخ والله شهـودي=أول كتائب جيشنـا فـي فلسطيـن [/align]

التوقيع: